انطلااااااااااااااااااااق حملة شارك صح

السلام عليكم ورحمة الله وبركاته

الأخوه والأخوات الأفاضل

جعلكم الله دائمًَََا وابدًا في احسن حال وفي رغدٍِ من العيش

حملتنا .............. شارك صح

اقتداءا بالاية الكريمة : (ما يلفظ من قول الا لديه رقيب عتيد )

شارك صح
عشان تكون كل كلمة بميزان حسناتك.

شارك صح
عشان تكون كل كلمة ليك مش عليك.

شارك صح
عشان يكون ليك حسنة جارية بكل حرف بتكتبه.

حملة شارك صح !!.... يعني ايه اشارك صح؟؟!!!

اولا: احنا مين ؟؟!!!

إحنا مجموعة بنات اتجمّعنا من منتدي الداعية الاستاذ مصطفي حسني

ثانيا: فكرتنا ايه ؟؟!!!

عبارة عن حملة بتناقش طرق حل سلبيات كتيرة أصبحت واقع بمنتدايتنا لينا حلم واحد وان كان المكان صغير على حلمنا الا انه جمعنا وضمنا هنا هنبدا نتكلم ونعلى صوتنا فى المجتمع اللى بنعيشه هنتكلم عن كل حاجه حلوه ووحشه وهنظهر للشباب اللى قدنا اننا نقدر وهنقدر نتغير

ثالثا: يعني ايه برضو؟؟!!!

الحملة بدأت بملاحظة سلبيات كثيرة ظهرت منها

1- عدم الوعي بمدى صحة الكلام اللّي بنكتبه أو بننقله وأثره علي أعضاء المنتدي وزواره اللّي بينقوله لمنتديات تانيه
2- التجاوز في الردود بين بعض الأعضاء
3- إنتشار السلبية

4- وغيرها كتير ...... اللّي مركزة عليه الحملة
وبإذن الله مع بعض هنتخلص منها.

رابعا: الهدف من الحملة ايه؟؟!!!

المنتدي عبارة عن صورة مكتوبه لاعضاؤه
عن فكرهم وأحلامهم وطموحاتهم.

وبما إننا أجمل شباب مسلم
يعني بنعبر عن دينا ومعتقداتنا
بنوضّح للعالم مين المسلمين وإزاي بيتعاملوا مع بعضهم
بأي طريقة وبأي أسلوب
لازم صورتنا تكون إيجابية
ميبقاش في فرصة لأعدائنا يهزأوا بينا.

عشان يوم الحساب نبقى فخر لرسولنا الكريم محمد صلى الله عليه وسلم.
خامسا: والحملة عبارة عن إيه؟؟

الحملة عبارة عن مجموعة من الخواطر مكتوبة بأسلوب جديد وطريقة عرض مختلفة
كل خاطرة بتحل مشكلة أو أكتر من المشاكل اللّي ظهرت مؤخرًا بمنتداياتنا
هنقوم بطرح خاطرة كل اسبوع
وعليك تشارك معانا وتساعدنا في نشرها

سادسا: والمطلوب إيه دلوقتي؟؟

ساعدنا..
شاركنا في تحقيق هدفنا
بأفكارك وإقتراحاتك
وصّل كلامنّا للمنتديات اللّي تعرفها
انشرها ..... وخد أجر نشرها
يمكن غيرك محتاج لكلمة ومستنيها
وتكون إنتَ السبب في تغيره

..........................................

سابعا وإزاي أشارك؟؟
انت مش محتاج تكون عضو مشترك او يصلك كود تفعيل اشتراك لانك بالفعل مشترك معانا بمجرد موافقتك لفكرتنا لكن علشان تشارك معانا صح فى حملتنا ضيف :
إيميل خاص بالحملة
sharek_sa7
علي الياهو
وكل اللّي عليك تختار المنتدي اللي هتنشر فيه الحملة وتسجل عضو جديد
اسم العضو : شارك صح
والإيميل اللّي تسجل بيه يكون إيميل الحملة المذكور
وبمجرد إشتراكك في المنتدي هنفعّل حسابك فيه

وتراسلنا علي الايميل عشان تعرف الجديد في الحملة وتقوم بنشره

................................

في إنتظار أفكاركم وإقتراحاتكم
ولو في أيّ إستفسار
تتقدر تتواصل معانا علي إيميل الحملة
sharek_sa7
علي الياهو

جروب الحملة علي الفيس بوك
https://www.facebook.com/group.php?gid=63323604993

ولكم منّا جزيل الشكر
اللهم اجعل هذا العمل خالصا لوجهك الكريم
جميع الحقوق محفوظة لحملة شارك صح

والسلام عليكم ورحمة الله وبركاته

جزاكى الله خيرا وجعلهو فى ميزان حسناتك وفى انتظار كل جديد من حضرتيك

Admin كتب:: جزاكى الله خيرا وجعلهو فى ميزان حسناتك وفى انتظار كل جديد من حضرتيك

جزاك الله خير اخى على مبادرتك ..
واحنا فى انتظار تفاعل حضرتك معانا فى الحملة وتقدر تتواصل معانا على ايميل الحملة ..
واى استفسار احنا فى الخدمة ..
اللهم لا تحرمنا الاجر وارزقنا الاخلاص

شكرا على نشاطك وربنا يوفقق وينصر الاسلام

سلام الله عليكم ورحمته وبركاته
ممكن اعرف نظام الحمله ايه
وعلي فكره ان ضيفت ايميل الحمله وحدش ضافني
ارجو الافاده جزاكم الله كل خير

mha كتب:: شكرا على نشاطك وربنا يوفقق وينصر الاسلام

جزاك الله خيرا امين يارب العالمين ونرجو التفاعل العملى

الاسلام والسنه كتب:: سلام الله عليكم ورحمته وبركاته
ممكن اعرف نظام الحمله ايه
وعلي فكره ان ضيفت ايميل الحمله وحدش ضافني
ارجو الافاده جزاكم الله كل خير

وعليكم السلام ورحمة الله وبركاته
نظام الحملة احنا عندنا تلت لجان
اول لجنة بتخص كتابة الخواطر الهناقش فيها سلبيه موجوده فالمنتديات
تانى لجنة تخص التصميمات ودى بنعمل فيها البوسترات واللجوهات
تالت لجنة تخص النشر ودى دورها بنحاول ننشر الحملة فاكبر عدد ممكن فالمنتديات
اى حد يقدر يشارك فاى لجنة او كل اللجان لو حابب
اما الايميل باذن الله هيقبلو الاضافه
ارجو انى اكون شرحت بشكل كويس واعتزر ان قسرت
جزاكم الله خيرا

» بالصور.. الصقر المصرى يقود حملة جديدة للتبرع بالدم